Ұжымдық қауіпсіздік келісіміне қатысушы мемлекеттердің ұжымдық қауіп-сіздік жүйесі әскери басқармасының коалициялық органдары

(Коалиционные органы военного управления системы коллективной безопасности государств-участников ДКБ)

әскерлердің (күштердің) коалициялық (аймақтық) топтастықтары құрамында қатысушы мемлекеттерден бөлінген әскерлерді, күштер мен құралдарды тікелей басқару үшін ұжымдық қауіпсіздік аймағы мемлекеттері құрған әскери басқару органдары. Олардың құрылысын, құрамын, өкілеттіктерін әскери-саяси және геостратегиялық жағдайларға, әскери қауіп-қатер сипаттарына, ықтимал әскери (ұрыс) қимылдардың ауқымы мен қарқынына, әскерлердің (күштердің) коалициялық (аймақтық) топтастықтарының құрамына байланысты Ұжымдық қауіпсіздік кеңесі анықтайды. Олар, әдетте, әскери (ұрыс) қимылдар басталғанға дейін алдын ала әскери басқарудың ұлттық органдары негізінде құрылады. Өз қызметтерін қатысушы мемлекеттердің нормативтік-құқықтық құжаттарында тиісінше бекітілген өкілеттіктер негізінде жүзеге асырады.